Откако се појавија првите рендери за смартфонот OnePlus 10 Pro, сега се откриени и некои негови спецификации.
OnePlus 10 Pro ќе има 6,7-инчен QHD+ AMOLED екран со фреквенција на освежување од 120 Hz, Qualcomm Snapdragon 8 Gen1 процесор, 8 или 12 GB RAM и 128 или 256 GB интерна меморија.
Што се однесува до камерите, позади е главната од 48, ултрашироката од 50 и сензор од 8 MP со 3.3х зумирање. Тоа е исто како и во случајот на моделот OnePlus 9 Pro, но десетката ќе има подобрувања на сензорот.
Напред е селфи камера од 32 MP. Уредот го напојува батерија од 5.000 mAh, a засега нема информации за брзина на полнењето. Познато е дека ќе биде отпорен на вода и прашина по IP68 стандардот.
