Најдлабокиот базен во светот, со пад од 45,5 метри, викендов е отворен во близина на Варшава, Полска. Наречен е Deepspot и преполн е со имитации на подводни пештери и урнатини.
Исполнет е со 8.000 кубици вода, што е за дваесет пати повеќе од волуменот на стандарден базен долг 25 метри. За разлика од обичните базени наменети за пливање, Deepspot во време на пандемијата на COVID-19 може да прима клиенти бидејќи е сместен во категоријата центри за нуркање во кои се одржуваат натпревари во нуркање.
Во план е изградба на хотел од чии соби ќе има поглед на внатрешноста на базенот и на нуркачите.
„Ова е најдлабокиот базен во светот“, гордо изјави Михаил Бразински, директор на Deepspot.
Претходниот рекорд го држеше базенот Montegrotto Terme во Италија, со вертикален пад од 42 метри.
На социјалните мрежи се објавени првите видеа и фотографии од базенот.