Градот Минхен има нова атракција. „SAP Mega Arena“ беше официјално отворена со натпревар во хокеј на мраз помеѓу Ред Бул Минхен и НХЛ клубот Бафало Сејбрс.
Изградбата на споменатата арена беше чинеше 300 милиони евра и ќе се смета за најмодерна мултиспортска арена во Германија, каде в четврток токму во оваа сала ќе гостува Реал Мадрид на отворањето на Евролигата против домашниот Баерн.
Вкупниот капацитет на салата е 11.500, а има и 4 површини на мраз кои можат да се користат не само за хокеј на мраз, туку и за спортови како уметничко лизгање, брзо лизгање или карлинг.
Сместена е во Олимпискиот парк во Минхен, чиј лик одговара и на зелениот покрив на арената, а внатре има LED видео коцка со вкупна тежина од 16 тони.
Се простира на вкупно 22.500 метри квадратни и се состои од 7 ката, од кои три се под земја. Има и 224 паркинг места, вклучително и тимски автобуси. Има 3 соблекувални за професионални играчи во хокеј на мраз, како и 12 за млади.
Во склоп на „SAP Garden“ има и ресторан со отворена тераса која е отворена во текот на целата година, како и фан-шопови на кошаркарскиот клуб Баерн и хокеј клубот Ред Бул Минхен, вклучувајќи кино, балетска сала, теретана и околу 1.000 деловни места.
Нема што, Минхен доби феноменална спортска сала која во иднина ќе биде корисна и за хокеарите и за кошаркарите.
