Поминаа три години откако Ferrari го замени моделот California T со моделот Portofino, а сега овој grand tourer доби и подобрена верзија.
Под редизајнираната каросерија има значајни промени, меѓу кои и новоразвиениот осумстепен автоматски менувач.
За првпат еден кабриолет на Ferrari коисти осумстепен менувач кој има 20% помал модул на квачилото со 35% поголем пренос на вртежниот момент во однос на оној што го замени.
3,9-литарскиот твин-турбо V8 мотор на Ferrari развива дополнителни 20 коњски сили, така што сега испорачува 612 КС и максимален вртежен момент од 760 Nm.
Portofino M забрзува од 0 до 100 км/ч за 3,45 секунди, а до 200 км/ч стигнува за 9,8 секунди. Максималната брзина изнесува 320 км/ч.
Ова е прв модел на Ferrari претставен онлајн. Доаѓа со визуелни промени кои го прават неговиот изглед поагресивен.
По желба на купувачот може да се испорача и со функција за ладење и греење на седиштата, како и низа напредни помошни системи за возачот.
По Portofino M, до крајот на годинава ќе видиме уште еден модел од Ferrarija, а неговиот идентитет засега уште е мистерија.
