Кинескиот произведувач OnePlus претстави два нови смартфони, а тоа се OnePlus 9 и OnePlus 9 Pro.
Фокус на овие уреди се камерите кои се развиени во соработка со шведската компанија Hasselblad позната по соработката со НАСА.
Камерите се унапредени, а со тоа и цената е повисока, па така 6,5-инчниот OnePlus 9 чини најмалку 729 долари, а 6,7-инчниот OnePlus 9 Pro чини 969 долари. Ова се најскапите смартфони на оваа компанија. Нарачките почнуваат од 26 март.
OnePlus 9 e достапен со 8 GB RAM и 128 GB интерна меморија и 12 GB RAM и 256 GB интерна меморија. OnePlus 9 Pro ќе биде достапен со 8 GB RAM и 128 GB интерна меморија, односно 12 GB RAM и 256 GB интерна меморија.
6,55-инчниот екран на моделот OnePlus 9 е рамен, додека Quad HD+ AMOLED 6,7-инчниот екран на моделот Pro е закривен. Рачно може да изберете фреквенција на освежување од 60 и 120 Hz.
И двата модели се со Qualcomm Snapdragon 888 процесор кој го напојува батерија од 4.500 mAh, a се полни за само 29 минути.
На задната страна на моделот OnePlus има 3 камери, а моделот OnePlus Pro има 4.
Pro моделот има главна камера од 48, ултраширока од 50, телефото од 8 и макро од 2 MP.
OnePlus 9 користи Sony IMX689, a Pro Sony IMX789 сензор.