Српскиот фудбалски стратег Синиша Михајловиќ денеска е сменет од должноста тренер на италијанскиот калчолигаш Болоња поради слаби резултати.
Михајловиќ е првиот тренер кој е сменет во италијанската Серија А оваа сезона, откако Болоња во првите пет натпревари освои само 3 бода.
Како кандидати за негов наследник на клупата на Болоња се споменуваат Роберто Де Ѕерби, Клаудио Раниери и Тиаго Мота.
Михајловиќ ja почна својата самостојна тренерска кариера во Болоња во 2008 година, а во својот втор мандат во Болоња, 10 години после првиот, и покрај лекувањето од леукемија мина три сезони. Србинот лани со Болоња заврши на 13. место, а во 2020/2021 и 2019/2020 беше на 12. место. За изминатите три сезони одигра тимот го предводеше на 142 натпревара на кои постигна скор од 46 победи, 38 нерешени и 58 порази со негативна гол-разлика од 196:228 (-32) и победнички процент од 32,39.
