Падот на Асад донесе промени и во фудбалот: Сириската репрезентација ги смени боите

Откако бунтовниците во Сирија го соборија режимот на претседателот Башар ал-Асад, промени имаше и во Сириската фудбалска асоцијација (СФА).

Охрабрени од падот на режимот, СФА одлучи да ја смени бојата на дресот и грбот на репрезентацијата, кои повеќе нема да бидат црвени.

За потсетување, сириските бунтовници во неделата го зазедоа Дамаск и ја соборија владата, а Асад побегна во Русија по 15 години граѓанска војна и шест децении автократско владеење на неговото семејство.

Набргу потоа СФА објави дека ги менува боите на дресовите и грбот на националниот тим. Имено, сириските фудбалери во иднина наместо црвена ќе носат зелена опрема, а зелената боја ја замени црвената и на грбот на репрезентацијата.

Покрај објавениот нов изглед на грбот, СФА објави и фотографија од неколку свои фудбалери во новите зелени дресови.