Панатинаикос ја освои Евролигата, во финалето го декласира Реал

Панатинаикос ја освои титулата на завршниот турни во Евролигата. Во Берлин, Панатинаикос го победи бранителот Реал Мадрид со 95:80. Ова е седма титула за Панатинаикос, прва од 2011 година. Тренерот на зелените, Ергин Атаман, третпат во кариерата стана европски првак, а првите две титули ги освои со Анадолу Ефес.

Панатинаикос во финалето го предводеа Костас Слукас со 24 поени, Кендрик Нан со 21 поен, односно Матиас Лесор со 17 поени и 6 скока. Кај Реал, Џана Муса уфрли 15 поени, Факундо Кампацо 12 со 4 асистенции, Чачо Родригес 11. Потфрли Марио Хезоња со само 8 поени (шут за три 1/8) и 8 скока.

Панатинаикос во големото финале одигра брилијантен натпревар. Во првиот дел имаше негатива од 14 поени, но во вториот дел одигра нестварно во одбраната и на крајот заслужено дојде до трофејот.

МВП на завршниот турнир е Костас Слукас. Плејмејкерот ја освои третата титула во Евролигата, претходно по една освои со Олимпиакос и со Фенербахче.

Нормално, во Атина се славеше до доцна во ноќта.