Горан Пандев вечерва му даде два гола на Беневенто за само 45 минути со што и стигна до бројката од 100 голови во Калчо лигата, достигнување и тоа како за почит.
На „Луиџи Ферарис“ стадионот во Џенова нашиот Пандев и соиграчите го пречекаа Беневенто.
Гостите на двапати поведуваа, но македонската легенда со головите во 11-тата и 21. минута го израмнуваше резултатот за на полувреме да се замине со 2:2, резултат кој остана непроменет до крајот.
Пред овој натпревар Пандев беше застанат на бројката од 98 голови во Серија А, а денеска ја слави стотката.
Во својата кариера на Чизмата Горан има постигнувано голови за секој тим за кој играл и тоа:
- Анкона - 1
- Лацио - 48
- Интер - 5
- Наполи - 19
- Џеноа - 27
- вкупно: 100