Паровите кои имаат заедничка сметка подолго остануваат заедно, особено оние со помали примања, покажа најново истражување на Универзитетот Корнел и Универзитетот во Колорадо.
Студијата покажа дека паровите кои имаат заеднички банкарски сметки често имаат и посреќен однос и дека 62% од нив заедно ги трошат парите.
„Проучувавме илјадници парови и им ги прегледавме податоците од нивните трансакции, но и го истражувавме нивното задоволство во врската. Откривме дека паровите кои имаат заеднички сметки остануваат подолго заедно“, вели Џо Гладстон од Универзитетот Колорадо за Yahoo Finance Live.
Корист од заедничкото чување пари особено имаат паровите со ниски финансиски примања, се вели во истражувањето.
„Тие се позадоволни во врските, но и парите ги трошат поинаку бидејќи имаат тенденција повеќе да трошат на разумни, корисни работи, а помалку на забава“, објаснува Гладстон.
Покрај низа други фактори и финансиската зависност може да биде значителен фактор за успех на љубовните врски кај паровите.
