Тестенините со печурки и праз се готови за кратко време и можат да се направат како посно јадење.
Потребни состојки:
- 3 лажици маслиново масло
- 450 гр шампињони
- 2 лажици путер
- 360 гр праз
- 4 чешниња лук, тенко сецкани
- 2½ лажички сол
- 450 гр паста
- 700 мл вода
- 320 мл зеленчуков булјон
- 150 мл суво бело вино
- 120 мл павлака за готвење
- 120 гр пармезан
- 2 лажици свеж копар
- 2 лажици свеж магдонос
- 1 лажичка кора од лимон
- 1½ лажичка свеж сок од лимон
- ½ лажичка бибер
Подготовка:
Загрејте го маслиновото маслото во тава на силен оган. Додадете ги исечканите печурки и пржете со често мешање додека не испари целата течност, околу 12 минути. Додадете путер и мешајте додека не се стопи. Додадете го тенко исечканиот праз, сечканиот лук и лажичка сол и варете, често мешајќи, додека празот не омекне, 4 до 5 минути.
Додадете ги тестенините, водата, булјонот, виното и преостанатата една и пол лажичка сол и измешајте. Зголемете ја топлината на високо и доведете до вриење. Намалете ја топлината на средно и варете, повремено мешајќи, додека пастата не биде ал денте (во зависност од видот на пастата, на пакувањето пишува колку минути треба да се варат за да бидат ал денте). Вмешајте ја павлаката за готвење и динстајте додека сосот не ги премачка тестенините, околу 3 минути. Тргнете од оган.
Додадете рендан пармезан, сечкани копар и магдонос, рендана кора од лимон, сок од лимон и побиберете. Поделете ги тестенините рамномерно во плитки чинии и послужете ги попрскани со паремезан.
