Изберете зеленчук по избор и испечете го во рерна, а послужете со феноменален бел сос.
Зеленчукот направен во рерна е одличен прилог, но и супер оброк кога сакате нешто полесно, а вкусно. Треба само да ги наредите соостојките во тавче и да се испечат. Нашиот предлог е со видовите зеленчук набројани подолу, но вие секако можете да направите промени и да користите каков било зеленчук - по ваша желба. Доколку го послужите со освежувачки бел сос, тоа ќе ви биде полн погодок, а ќе им успее и на оние кои никогаш претходно ништо не зготвиле.
- 3 пиперки бабури
- 1 лута пиперка
- 1 голем, компир
- 2 тиквички
- 1 лажичка сол
- 1 лажичка мелен пипер
- 3 лажици маслиново масло
- 4 лажици јогурт
- 2 чешниња лук
- копар
- сол
- бибер
Исечкајте ги бабурите, лутата пиперка, компирот и тиквичките на начин по ваш мерак, но имајте на ум дека подобро е доколку се исечкани на помали ленти. Потоа наредете ги во тавче обложено со хартија за печење и убаво распоредете ги. Потоа посолете, побиберете и фрлете мелен пипер и прелијте со маслиново масло. Убаво промешајте и печете на 170°C околу половина час. После 15 минути промешајте и оставете да се пече до крај. Додадете јогурт и толчен лук и промешајте, а потоа послужете го печениот зеленчук со сосот. Одозгора украсете со сечкан копар.
Или следете ги постапките на видеото: