Американскиот пејач Ар Кели е осуден на 30 години затвор поради принудување жени и деца на проституција, пренесе BBC.
Исто така, казнет е со 100.000 евра. Mоментално се соочува со одвоени кривични пријави во други три случаи.
Пејачот ја користел неговата слава за да намами жени и девојчиња на проституција. Сексуалното злоставување траело повеќе од две децении.
Судијката Ен Донели во текот на изрекувањето на пресудата сооошти дека ги принудувал жртвите да прават „одвратни работи“ и дека многумина од нив „заболеле од неизлечливи болести“. Донели ја изрече казната по сослушување на неколку негови жртви кои сведочеа како Кели ги експлоатирал низ годините.
Пејачот не се обрати на изрекувањето на казната.
Судот исто така утврди дека незаконски ја собрал документацијата потребна во 1994 година да се ожени со раперката Алаја, која тогаш имаше само 15 години.
Педесет и петгодишниот пејач минатата година беше осуден за рекет и трговија со секс на судење кое за првпат им даде можност на жртвите да проговорат затоа што претходно биле игнорирани само затоа што се Афроамериканци.