Пелистер го „украде“ голманот Кизиќ од Вардар

Младиот и талентиран голман од лето ќе застане помеѓу стативите на битолскиот клуб.

Еурофарм Пелистер одлучи да пазари во најголемиот ривал, Вардар. Битолчани денеска се пофалија дека потпишале четиригодишен договор со Марко Кизиќ кој по крајот на актуелната сезона се сели во градот на конзулите.

„Младиот голман на македонската репрезентација, Марко Кизиќ, е нов ракометар на Еурофарм Пелистер за периодот од јуни 2021 до јуни 2024 година. 20-годишниот Кизиќ потпиша договор со битолскиот клуб и ќе ја зголеми конкуренцијата на голманската позиција“, соопшти Еурофарм Пелистер.

Кизиќ, роден скопјанец, е дете на Вардар. Висок е 190 сантиметри, а тежок 89 килограми. Веќе има настапи за сениорската репррезентација на Македонија за која дебитираше уште во 2019 година, а има искуство и од Лигата на шампионите и СЕХА лихата играјќи за „Црвено-црните“.