Вонредно коло се одигра попладнево во најдобрата македонска фудбалска лига кое не донесе драстични промени во табелата, освен скокот на Пелистер.
Дербито на денот беше во Дебар Маало каде Работнички го пречека лидерот Шкендија. „Романтичарите“ беа подобар противник, но не успеаја со гол да ја крунисаат добрата игра и да дојдат до победа против најсериозниот претендент за титулата. Шкендија останува со само еден пораз сезонава.
Најголемото изненадување го приреди Пелистер кој продолжува да собира бодови и да се искачува на табелата. Денеска со голот на Црногорецот Иван Пејаковиќ во судиското надополнување битолчани ги освоија трите бода на тешкото гостување кај Струга. Со оваа победа сега се и надвор од зоната на бараж, а Пелистер е во серија од 5 натпревари без пораз од кои три се од пролетниов дел (2 победи и реми).
На второпласираниот Шкупи му беше потребен удар од белата точка за Костариканецот Алварес да донесе победа на гостувањето во Кратово. Гол на четири минути до крајот ѝ донесе прва пролетна победа на Академија Пандев, а важни три бода прокнижи и Борец над Беласица која коло по коло сѐ поблиску е до Втората лига.
Ренова конечно победи пролетва и тоа со високи 3:0 над Вардар чија игра беше пореметена поради црвениот картон добиен во 26-тата минута.
Национална Арена „Тоше Проески“ во Скопје
Работнички - Шкендија 0:0
Судија: Александар Ставрев (Скопје)
Стадион „Силекс“ во Кратово
Силекс - Шкупи 0:1 (0:0)
Стрелци: 78' (п) Фреди Алварес
Црвен картон: 77' Дејан Благојевиќ, 90'+1 Јордан Серафимовски (С)
Судија: Крумислав Ѓоргиев (Штип)
Стадион „Пандев“ во Струмица
Академија Пандев - Македонија ЃП 2:1 (1:0)
Стрелци: 11' Марјан Радески, 86' Марио Крстовски - 56' Боби Божиновски
Судија: Јован Качевски (Струга)
Стадион „Зоран Паунов“ во Велес
Борец - Беласица 2:1 (2:1)
Стрелци: 4' Еди Баша, 45' Мурат Адили - 17' Зоран Митевски
Судија: Константин Влахо (Скопје)
Стадион „Градска Плажа“ во Струга
Струга - Пелистер 0:1 (0:0)
Стрелци: 90'+2 Иван Пејаковиќ
Судија: Игор Иванов (Велес)
Стадиом „Градски“ во Тетово
Ренова - Вардар 3:0 (2:0)
Стрелци: 21' Шефит Шефити, 27' (п), 55' Ремзифаик Селмани
Црвен картон: 26' Мартин Радуловиќ-Величковиќ (В)
Судија: Игор Стојчевски (Скопје)
Табела:
- Шкендија 46
- Шкупи 40
- Македонија ЃП 35
- Струга 32
- Работнички 29
- Борец 29
- Вардар 26
- Пелистер 25
- Силекс 23
- Ренова 22
- Академија Пандев 21
- Беласица 12