Ракометниот клуб Еурофарм Пелистер загуби од данскиот вицешампион ГОГ Гудме со 30:29 (14:14) во првото коло од групата Д на Европската лига.
Битолчани иако имаа водство од два гола на неколку минути пред крајот, сепак домаќините направија пресврт во финишот и дојдоа до цел плен.
Пелистер во финишот пропушти напад за реми, откако голманот Халгримсон успеа да го одбрани ударот на Мараш.
Најефикасни во тимот на Еурофарм Пелистер беа Мандалиниќ со 11 и Кушан со 8 голови.
Кај ГОГ, Јакобсен погоди 9 пати, додека Питник постигна 7 голови.
