Пентхаус во Мајами Бич, вреден 22.5 милиони долари, е купен со криптовалута - што го прави најскапиот имот некогаш платен со користење дигитална валута.
Купувачот плати 4.440,50 долари по квадрат што го прави пентхаусот најскапа недвижност во Сурфсајд и втора по големина трансакција во Мајами Бич од 2017 година.
Станот со површина од 1.544 метри квадратни се наоѓа на деветтиот кат на 12-катница и во него има четири спални соби и четири бањи. Купувачот е анонимен, а ќе ужива на тераса со поглед кон океанот.
Зградата нуди затворен и отворен базен, тениско игралиште на покривот, теретана, јога студио и сауна. Има и игралиште за деца, како и паркинг места со контролирана температура.
„Криптовалутата е иднината и веруваме дека ова е само почеток“, вели Џовани Фациано, маркетинг менаџер на компанијата што ја проектираше зградата во Мајами.
Веста за продажбата доаѓа во момент кога вредноста на биткоинот повторно расте, а самиот градоначалник на Мајами, Францис Суарез повеќепати зборуваше за настојувањето да се прифати овој облик на плаќање.