Во тек е Австралија опен, како и Модната недела во Париз, а на неодамна одржаната ревија на модната куќа Dior присуствуваше и познатиот тенисер Роџер Федерер.
Федерер на ревијата дојде во друштво на сопругата Мирка, а како што можете да видите од приложените фотографии ужива во пензионерскиот живот.
Познатиот пар привлече големо внимание на настанот, а Мирка Федерер сепак остави најголем впечаток.
Нејзиното елегантно издание ги освои срцата на многу модни критичари. Носеше фустан со плетена апликација на коза (анг. goat) со која многумина сметаат дека сакала да укаже дека иако нејзиниот сопруг е пензиониран, уште е GOAT (Greatest Of All Time).
Што се однесува до Федерер, тој за модната недела носеше елегантен црн костум, кој одлично се совпаѓаше со аутфитот на неговата сопруга. За останатите денови на Модната недела имаше резервирано и други елегантни комбинации.