Пеп го избра наследникот на Де Брујне: Де Кетеларе летна цел на Сити

Сѐ поизвесно е дека Кевин Де Брујне ја игра последната сезона во Манчестер Сити, а Белгиецот во тимот треба да биде заменет од неговиот сонародник - Шарл Де Кетелае.

Менаџерот Жузеп Гуардиола и неговиот тим веруваат дека играчот од средниот ред на Аталанта е најблизок во профилот до неговиот постар сонародник и одлично би се вклопил во тимот кој ќе претрпи дополнителни реновирања во текот на летото. Де Кетелеаре во Бергамо работи слична работа како Де Брујне во Сити, на 37 натпревари постигна 11 голови и 11 асистенции, технички и тактички се приближува до еден од најдобрите офанзивни играчи за врска во светот.

Милан прв се обложи на Де Кетеларе, Паоло Малдини му плати 37,5 милиони евра на Клуб Бриж, но Белгиецот не се снајде на „Меаца“, а за него немаше големо трпение ниту Стефано Пиоли. Сепак, снаодливиот Џанпјеро Гасперини го разигра во Аталанта, па го откупи за 22,7 милиони евра, а сигурно е дека клубот од Бергамо нема да го продаде за помалку од 60 милиони евра.

Де Кетеларе го наследи Де Брујне во репрезентацијата на Белгија, преземајќи ја неговата улога во тимот и допрва се очекува целосно да се развие во играч од висока класа. Сити во 23-годишниот Шарл гледа долгорочно решение за позицијата на Де Брујне.