Манчестер Сити се пласираше во полуфиналето од Лигата на шампионите.
Во реваншот од четвртфиналето водечкиот тим на Премиер лигата славеше со 2:1 против Борусија и со тоа со вкупни 4:2 влезе во четирите најдобри клубови во Европа.
За тренерот на Сити, Пеп Гвардиола, тоа е осми пласман во полуфиналето од Лигата на шампионите. Така тој го изедначи рекордот на неговиот голем ривал Жозе Мурињо.
Двајцата имаат по две шампионски титули. Мурињо беше најдобар со Порто во 2004 година, а шест години подоцна славеше со Интер. И Пеп ги освои двете титули со Барселона (2009 и 2011 година) и сега неговиот Сити е фаворит во обложувалниците.