Шпанскиот голман го сподели своето страшно искуство борејќи се со коронавирусот. Еден момент смртно се преплашил бидејќи цели 25 минути бил не можел да дише.
Пепе Реина е еден од играчите во Премиер лигата кои се заразени со коронавирусот. Сезонава е резервен голман на Астон Вила и има сано 6 настапи,
„Ја добивам битката со коронавирусот. Најтешкиот период беше кога не можев повеќе да дишам, тие 25 минути кога загубив кислород беа најтешките во мојот живот“, изјави Реина во интервју за италијанските медиуми.
„Кога ги почувствував првите симптоми од вирусот бев многу уморен. Треска, сува кашлица и главоболка која не престануваше - едноставно цело време имав чувство дека сум изморен“.
Реина бранеше за Шпанија на пријателскиот натпревар во Скопје во 2009 година. Тогаш Шпанија ја совладаа со Мкаедонија со 2:3 иако со двата гола на Горан Пандев водевме на полувреме со 2:0.
„Единствениот пат кога навистина се исплашив беше кога разбрав дена немам повеќе кислород: бескрајни минути на страв бидејќи одеднаш грлото ми се затвори. Поради тоа првите 6-8 дена ги поминав во четири ѕида“, вели тој.
Поради она што го пребродил, на 37-годишниот Реина сега не му е грижа кога повторно ќе се најде на зелениот терен. Сака само вирусот да биде победен.
„Фудбалот сега назадува. И навистина, не ми е гајле за тоа. Здравјето на секој е над сѐ. Ќе бидам фан на играњето кога сѐ ќе се врати во нормала, кога секој ќе биде безбеден“, заврши Шпанецот.
