Некои луѓе се исклучително внимателни кога станува збор за љубовта – се заљубуваат полека, ги кријат вистинските емоции и многу често ја промашуваат љубовта на својот живот поради сопствените стравови.
Да се отворите целосно пред друга личност воопшто не е лесно. За припадниците на овие хороскопски знаци е многу тешко да се заљубат, а уште потешко да го признаат тоа. Можеби причината лежи во фактот дека доживеале горчливи разочарувања, или едноставно таков им е карактерот.
На припадниците на овие пет хороскопски знаци им е доста тешко целосно да го предадат своето срце и да се заљубат.
Апсолутно не е лесно за еден Бик отворено да ги покажува своите емоции. Дури и ако излегуваат со една личност со месеци и веќе имаат развиено чувства, никогаш не би им паднало на памет да зборуваат отворено за нив, а уште помалку гласно да кажат дека се заљубени. Бикот побрзо би се согласил да раскине, отколку да го победи своето его.
Досада и сосема нормален живот? За Близнаците тоа звучи како најлош кошмар. Затоа овој воздушен знак честопати се обидува да ги игнорира своите чувства за да не стане досаден и монотон за својот потенцијален партнер. Пред да се заљубат, Близнаците навистина треба да бидат 100 проценти сигурни дека ќе им биде возбудливо со идниот партнер.
Раковите сакаат да бидат заљубени, но заљубувањето за нив е многу тешко. Овој воден знак е исклучително претпазлив и кога станува збор за врските многу лесно се откажува. Ракот толку многу се плаши од разочарување и поради својот страв од неуспех, тој често ги отфрла потенцијалните партнери од самиот почеток.
Секој знае колку се Девиците комплицирани, средени и перфекционисти. Токму тоа го очекуваат и од партнерот. Поради овие карактеристики, исклучително е тешко да се исполнат нивните барања. И затоа на Девиците им треба многу време да го пронајдат вистинскиот партнер.
Скорпијата е крајно сомничава и претпазлива во сите области од животот. Затоа, не е ни чудо што не може толку лесно да се заљуби. На Скорпиите им е тешко да им се отворат на другите, и иако имаат многу можности, тие секогаш ја чекаат баш „вистинската“. Внимателноста ги поштедува од разочарување и повреди, но пропуштаат и бројни можности поради тоа.
