Детската терапевтка Џесика Мекнер на TikTok често објавува совети за родителство, а во едно од видеата реши да ги открие работите кои никогаш не ги прави кога станува збор за нејзините деца.
Овие совети им ги препорачува и на другите родители.
„Постојат пет работи што никогаш не ги правам со моите деца. Првата од нив е никогаш не ги присилувам на нешто, дури ни на прегратка. Ако сакам да ги гушнам, секогаш барам согласност од нив. На тој начин ги учам за важноста на личната независност и застанувањето во себеодбрана. Исто така, ги учам дека можат да кажат 'не' кога им е непријатно. Второ, никогаш не ги коментирам нивните тела. Дискутираме за важноста на вежбањето и на исхраната, но едноставно не зборуваме за нивното тело, ниту пак за моето тело“, вели таа.
„Исто така, никогаш не зборувам за нашите финансии пред децата. Не зборувам за тоа колку заработувам или за што ги трошиме нашите пари. Тие не треба да се грижат за тоа. Следно е што никогаш не ги споредувам со другите деца. Секое од моите деца е уникатна личност и посебна по своите квалитети. И последно, но не и најмалку важно, никогаш не ги наградувам или казнувам со храна“, објасни терапевтката.
Нејзиното видео ги одушеви другите родители.
„Посакувам да имав родители кои размислуваат на овој начин. Секоја чест за тебе“, се дел од позитивните коментари.
@strongtherapy 5 things a Licensed Therapist doesn’t do with kids. #tiktoktherapist #therapistsoftiktok #mentalhealthtiktok #5things #5thingschallenge #5thingsiwouldneverdo #parentingtips #parentinghacks ♬ original sound - Jess (Licensed Therapist)