Пред да создадете семејство со својот партнер, многу е важно да се договорите за клучни работи поврзани со одгледување на вашето дете. Во спротивно, во првите месеци ќе се занимавате со прашања за кои веќе сте требале да имате одговор, наместо да се посветите на вашето бебе и да се навикнете на него.
За да го избегнете ова сценарио, треба да разговарате со вашиот партнер за овие важни работи.
Поделба на обврските
Мајката може да роди и да дои. Сепак, има многу други работи за кои треба да ви помогне вашиот партнер како што се хранење од шише, пресоблекување на бебето и менување пелени, правење ручек, пеглање итн. Договорете се на време како ќе ги поделите обврските за да бидете организирани кога ќе пристигне бебето.
Финансиски одлуки
Најмногу партнери се расправаат за пари. Од таа причина важно е да разговарате со партнерот за финансиите пред да пристигне бебето. Се препорачува да ги купите основните работи пред раѓањето. Направете буџет и одвојте го од другите финансии.
Чување на бебето
Поради доењето, мајката отсуствува од работа, а таткото работи. Однапред треба да испланирате кои роднини ќе ви помагаат да го чувате детето откако ќе порасне, а вие ќе се вратите на работа.
Начин на воспитување на детето
Мали се шансите дека имате ист карактер со партнерот. Тој е можеби повеќе опуштен, додека вие сте паничар или обратно. Затоа е важно да ги усогласите вашите мислења во врска со воспитување на детето.
Религија
Ако сте од различна религија, треба да се договорите како ќе го воспитате детето.