И покрај тоа како се чувствуваме, постојат начини да се справиме со ситуацијата кога сме вознемирени. Со секојдневниот стрес и лутината, можете да се справите и со помош на овие неколку совети.
Здрава исхрана
Консумацијата на сложени јаглехидрати како што се слаткиот компир, киноата и зобот може да го зголеми нивото на серотонин во нашиот мозок. Исто така, протеините како риба, тофу и пилешко, помагаат во зголемување на нивото на допамин и норадреналин, кои играат улога во нашето расположение, мотивацијата и концентрацијата.
Вежбање
Не е важно за кој вид физичка активност ќе се одлучите. Пронајдете вежби кои највеќе ви одговараат, а кои ќе ви овозможат брзо и ефикасно да се ослободите од негативните емоции.
Запишување на емоциите
Запишувањето на сопствените чувства и емоции е одличен начин за ослободување од негативната енергија.
Вдишете длабоко
Длабокото дишење може да ги намали хормоните на стресот. Вежбите за дишење се корисни бидејќи кога се чувствуваме гневно, нашиот мозок му дава сигнали на телото дека е во криза. Забавувањето на дишењето го потсетува нашиот мозок дека сме на сигурно.
Чистење
Неуредниот простор понекогаш може дополнително да влијае на нашето лошо расположение. За да ги намалите негативните емоции, измијте ги садовите, средете го плакарот или исчистете го домот.