Недостатокот на протеини најчесто е проблем со кој се соочуваат луѓето кои се борат со анорексија, рак или се неухранети. Меѓутоа, може да се случи и кај веганите и кај луѓето кои неправилно се хранат.
Препораката на стручњаците е луѓето да внесуваат 0,8 грама по килограм теелсна тежина, но доколку редовно вежбате, ќе ви треба и повеќе.
Ова се знаците кои покажуваат дека имате недостаток на протеини во организмот:
Склони сте кон скршеници
На коските им треба повеќе од калциум. Да, им требаат и протеини, велат водечките стручњаци за остеопороза.
Кога не добиваме доволно протеини, телото посегнува кон залихите, кои ги црпе и од мускулното и коскеното ткиво.
Косата и ноктите ви се кршливи
Протеините се важен дел и од косата и ноктите, а нивниот недостаток води кон тоа да станат кршливи.
Губите мускулна маса
Кога телото почнува да губи мускулна маса, залихите од мастите остануваат, па градбата на телото може да се промени на неповолен начин.
Се чувствувате како без сила
Луѓето на кои им недостасуваат протеини со тек на време почнуваат да се чувствуваат уморно и тромаво. Протеините се компонента на хемоглобинот, кој се наоѓа во црвените крвни зрнца и го транспортира кислородот низ телото, а неговото прениско ниво може да предизвика малаксаност или отежнато дишење.
Често сте настинати
Протеините се едни од компонентите на антителата кои ги произведува имунолошкиот систем за да се одбрани од бактерии и вируси. Доколку немате доволно протеини, вашиот имунитет ќе ослабе и ќе бидете повеќе склони кон настинки.