Peugeot од наредната деценија на европските пазари нема да нуди автомобили кои ги движат мотори со внатрешно согорување.
Според последните планови, од француската автомобилска компанија објавија дека од 2030 година ќе нудат само електрични автомобили.
Според изјавата на извршната директорка Линда Џексон, Peugeot и во наредната деценија ќе продолжи да произведува автомобили кои ги движат мотори со внатрешно согорување, но ќе ги испорачува на пазарите надвор од Европа.
Peugeot на купувачите во Европа веќе нуди електрични верзии на моделите 208 и 2008, а понудата од 2023 година ќе биде проширена со електричниот модел 308 од актуелната генерација.
Peugeot не е првата автомобилска компанија која најави дека ќе продава само електрични модели бидејќи слични планови веќе објавија DS Automobiles, Alfa Romeo и Оpel.