Компанијата Pfizer денеска соопшти дека бустер дозата на нејзината анти-ковид вакцина може да заштити од сојот омикрон, новата варијанта на коронавирусот, иако првите две дози се чини дека се значително помалку ефикасни.
Pfizer и неговиот партнер BioNTech соопштија дека лабораториските тестови покажуваат дека бустер дозата ги зголемува таканаречените неутрализирачки антитела против oмикрон за 25 пати.
Компаниите веќе работат на правење вакцина против oмикрон во случај да има потреба.
Научниците шпекулираат дека високиот скок на антителата што се појавуваат со третата доза на анти-ковид вакцини може да биде доволен за да се спротивстави на секакво намалување на ефективноста на вакцините.
Нивото на антитела покажува колку добро вакцината може да спречи инфекција со коронавирус, но тие претставуваат само еден слој од одбраната на имунолошкиот систем. Pfizer соопшти дека две дози вакцини сè уште можат да создадат заштита од тешка форма на болеста.
– Иако две дози вакцина може да обезбедат заштита од тешка форма на болеста предизвикана од сојот омикрон, од овие прелиминарни податоци е јасно дека заштитата е максимизирана со третата доза од нашата вакцина, рече извршниот директор на Pfizer Алберт Бурла во соопштението.
