За разлика од неколку други компании кои нема да профитираат од продажба на вакцини, американската компанија Pfizer објави дека очекува приход од 26 милијарди долари од вакцините против COVID-19 оваа година, зголемувајќи ја проценката за повеќе од 70 проценти поради забрзаната имунизација на луѓето ширум светот.
Новата проценка се однесува на 1,6 милијарди дози вакцини кои оваа компанија ги разви во соработка со германската компанија BioNTech, a кои ќе бидат испорачани оваа година, пренесува Tanjug, повикувајќи се на Reuters.
Вакцините се најпродаваниот производ на Pfizer во првиот квартал на 2021 година, а се проценува дека тие ќе учествуваат со една третина од годишната продажба на американската компанија.
Pfizer разговара со неколку земји за доставување вакцини во 2022 година. Од компанијата сметаат дека побарувачката за вакцини против COVID-19 ќе биде слична на онаа за грипот.
Moderna исто така проценува дека во 2021 година ќе оствари профит од 18,4 милијарди долари.