Доколку сакате квалитетен сон, има многу работи што треба да ги избегнувате пред да заспиете. Познато е дека не треба да консумирате ништо што содржи кофеин, но она што некои луѓе не го знаат е дека треба да избегнувате и алкохол.
Иако изгледа дека ќе заспиете побрзо по неколку пијачки, алкохолот всушност не е добар за вашиот целокупен сон. Имено, експертите од Bed Kingdom наведуваат дека алкохолот и никотинот се на врвот на листата кога станува збор за неквалитетниот сон.
„Иако алкохолот често може да ви помогне да заспиете побрзо, пиењето пред спиење може да предизвика фрагментиран сон и може да биде причина за чести будења во текот на ноќта“, велат тие.
Истакнуваат дека студиите откриле дека пиењето алкохол во рок од 4 часа пред спиење може негативно да влијае на континуитетот и времетраењето на спиењето, што доведува до почесто будење и борба за повторно заспивање.
„Ако имате проблеми со спиењето по вечерниот пијалак, обидете се да го испиете последниот пијалак околу 4 часа пред спиење за да бидете сигурни дека вашето тело има доволно време да го свари и метаболизира алкохолот пред да се обидете да заспиете“, додаваат тие.
Истражувањата покажаа дека консумирањето никотин пред спиење може да доведе до несоница бидејќи ја попречува способноста на вашето тело да заспие. Кофеинот делува така што ги блокира ефектите на аденозин, невротрансмитер кој природно се акумулира во телото во текот на денот и создава притисок за спиење.
Иако е општо познато дека кофеинот може да го наруши вашиот сон, можеби не сте свесни колку долго тој всушност останува во вашето тело. Студијата објавена во National Library of Medicine покажа дека се потребни околу 5 часа за половина од кофеинот да го напушти вашето тело.
Важно е да се истакне дека доколку несоницата влијае на вашето секојдневие и е проблем подолго од еден месец, а не е поврзана со фактори како што се консумирање алкохол и никотин, експертите препорачуваат да закажете преглед кај општ лекар.
