Пијаниот Кукуреља пееше за себе и не го исполни даденото ветување

Еден од главните херои во походот на Шпанија кон титулата европски првак, Марк Кукуреља, се појави пијан на прославата што синоќа беше организирана на улиците на Мадрид.

Човекот кој му асистираше на Микел Ојарзабал за победничкиот гол во финалето против Англија го зеде микрофонот и испеа песна за себе, во која го спомна и Ерлинг Холанд.

„Ку-ку Кукуреља (Cu-cu, Cucurella)
јаде паеља (Se come una paella)
Ку-ку Кукуреља (Cu-cu, Cucurella)
си пие Естреља (Se bebe una Estrella)
Халанд е исплашен (Haaland tiembla)“.

Вака пееше левиот бек на Шпанија додека едвај ги кажуваше зборовите.

Она што ги разочара шпанските навивачи е фактот што Кукуреља не го исполни ветувањето на почетокот на ЕУРО, кога рече дека ќе си ја скрати косата доколку „Фуријата“ стигне до златото.

На прославата се појави со малку поинаква фризура од онаа што сме навикнати да ја гледаме, но немаше шишање.

Потсетуваме, Кукуреља дојде на ЕУРО по многу лоша сезона во дресот на Челси, каде многумина го гледаа како голем неуспех, па беа изненадени кога доби шанса во Шпанија пред Алехандро Грималдо, но потоа ги воодушеви сите со одличните игри во Германија.