Пилешкиот џигер пржен со различен зеленчук е идеален за семеен ручек, а брзо се подготвува и не е скап.
Потребни состојки:
- 1 лажица масло
- 600 гр пилешки џигер
- 1 лажица растопен путер
- 3 главици кромид
- 1 голема тиквичка
- 1 црвена пиперка
- 1 зелена пиперка
- 300 гр карфиол
- 1 морков
- ½ лажичка естрагон
- 1 лажичка свеж магдонос
- 400 мл говедски булјон
- 1 лажица пченкарен скроб
- 2 лажици ладна вода
- сол
- бибер
- прстофат мајчина душица
- прстофат пиперка во прав
Подготовка:
Добро исчистете го џигерот. Загрејте го маслото во тава на силен оган. Додадете го џигерот кога маслото ќе стане врело и пржете 2 минути. Свртете, зачинете и продолжете со пржење 3 минути на силен оган.
Превртете втор пат, повторно зачинете и продолжете со пржење 3 минути. Тргнете ги џигерите од оган и оставете ги на страна. Тиквичката крупно исечкајте ја, црвената пиперка ситно исечкајте ја, карфиолот поделете го на цветчиња, исечкајте ги кромидот, морковот и магдоност. Во тавата додадете растопен путер и додадете го сиот зеленчук. Зачинете со сол и бибер и додадете ги сите зачини. Пржете 4 до 5 минути на силен оган.
Загрејте го говедскиот булјон и истурете го во тавата со зеленчукот, измешајте и оставете да зоврие. Измешајте го пченкарниот скроб со вода, измешајте во сосот и варете 1 минута на средна топлина. Зачинете ги џигерите по желба, загрејте 1 минута и послужете.
