Членовите на британската рок-група „Пинк Флојд“ денеска преку официјалниот профил на Twitter соопштија дека снимиле нова песна после период од 30 години, со цел да дадат поддршка на жителите на Украина.
Песната „Hey, Hey, Rise-Up!” ќе се користи за хуманитарни цели поврзани со војната во Украина.
Во песната е вклучен е Андриј Хливниук, член на познатиот украински бенд „BoomBox“, со неговиот клип снимен на плоштадот „Софискаја“ во Киев што веќе е објавен онлајн.
Хливниук ја прекина светската турнеја за да се врати во Украина и да помогне во одбрана на татковината.
„Ние како и многу други, чувствуваме бес и фрустрација поради овој подол чин на агресија врз независна, мирна и демократска земја чиј народ е убиван од една од најголемите светски сили“, напишаа членовите на„Пинк Флојд“ на Twitter.
