Sportitalia тврди дека Јувентус почнал со преговори со Рома за да го донесе капитенот на репрезентацијата на БиХ Един Џеко како алтернатива за Аркадиуш Милик и Алваро Мората.
Новиот тренер на „Старата дама“ Андреа Пирло наводно бил упорен во намерата да го донесе моќниот и вреден напаѓач кој знае да ја задржи топката, но и да постигнува голови.
Милик долго време се поврзува со Јуве, уште додека Маурицио Сари беше тренер, но Наполи сака 50 милиони евра за Полјакот.
Мората, поранешниот соиграч на Пирло, е втора опција, а тој во моментов се бори за минутажа во Атлетико Мадрид.
ЈУвентус, според Sportitalia, сега почнал преговори со Рома за да го добие Џеко, кој е во Серја А од 2016 година, а под договор со Рома е до јуни, 2022 година.
Џеко лани летото беше на радарот на Интер, но сепак реши да го продолжи договорот со клубот од „Олимпико“.
Постигна 19 гола и запиша 14 асистенции во 43 натпревари за „Волчицата“ оваа сезона.