Предводникот на Јувентус открива дека Оливје Жиру е можно зимско засилување за „Старата дама“.
Добрата форма на францускиот напаѓач во дресот на Челси направи за него да се заинтересира актуелниот шампион во Италија, Јувентус. Досега Жиру има постигна 8 голови сезонава во дресот на Челси во сите натпреварувања (3 во Премиер лигата, 5 во Лигата на шампиони и 1 во Лига купот).
Затоа, пак, формата на напаѓачите на Јувентус сезонава е променлива. Тимот знае да распали, како синоќа кога му даде 4 гола на Удинезе, но и за заглави како против Фиорентина, Беневенто, Верона и Кротоне.
„Трансфер периодот се отвора утре (веќе денес), веќе разговаравме во клубот што сакаме да правиме и за тоа дали имаме нешто на пик. Можеби напаѓач кој ќе се ротира со нашите напаѓачи“, одговори синоќа Андреа Пирло на новинарско прашање околу плановите на Јуве зимава.
Доби и директно прашање за тоа дали Оливје Жиру, чиј договор со Челси истекува во јуни, може да биде засилувањето на Јувентус.
„Би ни вршел работа“, кратко и јасно одговори Пирло.
Жиру често изминативе сезони беше поврзуван со заминување од Челси, но остана, а сега на 34 години игра одлична сезона. Неодамна изјави дека сака да остане на „Стемфорд Бриџ“ до крајот на сезоната.
Јувентус се поврзува и со Грациано Пеле како можно засилување во овој зимски преоден рок.
По 15 кола во Италија бранителот на Скудетото е на 5. место со 27 бодови или 10 помалку од лидерот Милан.