Синоќа се одиграа повеќе натпревари низ НБА терените, а забележителни настапи имаа регионалните кошаркарски ѕвезди Лука Дончиќ и Никола Јокиќ.
Дончиќ сам не можеше да му донесе победа на Лос Анџелес Лејкерс. Одличниот Словенец забележа фантастичен трипл-дабл, но тоа не беше доволно за да го совлада Бруклин Нетс. Домашниот тим победи со 111:108 во тесна завршница.
Гостите од Лос Анџелес имаа водство во текот на целото прво полувреме, додека во третиот и четвртиот период имаше вистинска неизвесност и беше јасно дека нѐ очекува возбудливо финале.
На крајот подобро минаа Нетс кои победија и покрај тоа што Дончиќ постигна 22 поена, 12 скокови и исто толку асистенции. Кај Лејкерс, кои останаа без Леброн Џејмс, Винсент Гејб постигна 24 поени. Кај Бруклин, пак, најефикасен беше Ноа Клуни со 19 поени.
Никола Јокиќ имаше уште една прекрасна партија со 35 поени, 18 скокови и 8 асистенции.
Србинот го предводеше својот Денвер Нагетс до победа од 140:127 против најдобриот тим во лигата, Оклахома Сити Тандер, на гостински терен.
Освен тие два дуела, секако изненадување е победата на Шарлот Хорнетс против Мајами Хит на гости. Исто така, Далас Маверикс го изненади Сан Антонио Спарс победувајќи со 133:129.
Резултати:
Атланта Хокс - Филаделфија 76ерс 132:123
Бостон Селтикс - Јута Џез 114:108
Бруклин Нетс - Лос Анџелес Лејкерс 111:108
Мајами Хит - Шарлот Хорнетс 102:105
Торонто Репторс - Вашингтон Визардс 119:104
Чикаго Булс - Индијана Пејсерс 121:103
Хјустон Рокитс - Орландо Меџик 97:84
Мемфис Гризлис - Феникс Санс 120:118
Оклахома Сити Тандер - Денвер Нагетс 127:140
Сан Антонио Спарс - Далас Маверикс 129:133
Голден Стејт Вориорс - Портланд Треил Блејзерс 130:120
Сакраменто Кингс - Њујорк Никс 104:133
Табела:
