Лука Дончиќ и Кајри Ирвинг повторно потфрлија, а Далас Маверикс повторно загуби од Оклахома Сити Тандер и сега резултатот е 2-2 во полуфиналната серија на плеј-офот на Западната конференција.
Оклахома победи со 110:96, а Ирвинг постигна само 9 поени со 4/11 шут од поле, додека Дончиќ забележа трипл-дабл од 18 поени, 12 скока и 10 асистенции, но со очаен 6/20 шут од игра.
Словенецот промаши и едно од двете слободни фрлања на 10 секунди до крајот со кои можеше да се израмни на 96:96 и со право го понесе епитетот на трагичар на дуелот.
Оклахома, вообичаено, до победата ја предводеше одличниот Шеј Гилџс-Александер со 34 поени, 8 скока и 5 асистенции.
Натпреварот број 5 меѓу Далас и Оклахома се игра в четврток рано утрината од 3:30 часот по македонско време во „Пејком“ арената во Оклахома. Директниот преност ќе биде на Arena Premium 1.
Бостон Селтикс поведе со два разлика од серијата против Кливленд Кавалирс и се доближи на само една победа до конференциското финале. Селтикс победија со 109:102 на гостински терен и поведоа со 3-1 во полуфиналната серија од плејофот на Источната конференција.
Џејсон Тејтум го предводеше Бостон со дабл-дабл од 33 поени, 11 скока и 5 асистенции, додека на другата страна Дариус Гарланд постигна 30 поени.
Петтата пресметка меѓу Бостон и Кливленд се игра во четврток малку по полноќ од 1:00 часот по македонско време во „ТиДи Гарден“ арената во Бостон. Директен преност ќе има на Arena Premium 1.
SGA put on a show with a playoff career-high 34 PTS as the @okcthunder win Game 4 on the road to even the series at 2-2!
— NBA (@NBA) May 14, 2024
Chet Holmgren: 18 PTS, 9 REB, 4 BLK
Luka Doncic: 18 PTS, 12 REB, 10 AST
Game 5: Wednesday at 9:30pm/et on TNT pic.twitter.com/XxCGH4GW8K
