Милијардерот Чак Фини(89) ја оствари неговата најголема желба: го донираше богатството од 8 милијарди долари во добротворни цели.
Во текот на претходните 38 години, Фини, Американец со ирско потекло кој заработи милијарди долари од бесцаринска трговија, ги донираше своите пари на хуманитарните организации и универзитетите ширум светот за да дојде до нула и да го подари целото богатство.
Оваа недела Фини конечно ја оствари неговата желба. Фондацијата Atlantic Philanthropies која тајно ја основал во 1982 година, конечно остана без пари.
89-годишниот Фини изјави дека е многу задоволен бидејќи го направил ова додека е жив, пишува Guardian.
Од својот мал, изнајмен стан во Сан Франциско, тој упати порака и до останатите милијардери: „Следете го мојот пример, ќе ви се допадне“.
Фини истакна дека се надева оти и другите милијардери ќе го искористат нивното богатство за решавање на најголемите проблеми во светот.
