По цели 50 години Мексико повторно има победник на едно Град при откако синоќа Серхио Перес се искачи на врвот на подиумот во Бахреин.
Последен пат Мексиканец победи во Формула 1 на трката за Големата награда на Белгија која се возеше на 7 јуни 1970. Тогаш триумфираше Педро Родригес. Синоќа, по точно 50 години, 5 месеци и 29 дена Мексико повторно се израдува на успех во Ф1.
Возачот на Рејсинг Поинт, Серхио Перес, мина прв низ целната линија синоќа во Бахреин остварувајќи ја првата победа во својата кариера. Втор заврши Естебан Окон од Рено, а трет беше Ленс Строл од Рејсинг Поинт.
Трката ја пропушти шампионот Луис Хамилтон кој е позитивен на коронавирусот. Неговите колеги Џорџ Расел и Валтери Ботас беа во водство на дваесетина круга пред крајот кога поради тимска грешка беа непотребно повикани во боксот за да направат промена на пневматиците, а до крајот Расел уште една мораше на поправка откако му се дупна гума. Тоа го искористи Мексиканецот остварувајќи прва историска победа за тимот на Рејсинг Поинт.