Приказна како од холивудски филм доаѓа од Велика Британија, а во главната улога е iPad на Apple, кој ја играше улогата на „херој“ во решавањето на случај на кражба и обид за убиство.
Сѐ започнало со кражба на вазна од династијата Минг од швајцарски музеј, пукање во куќа на комичар во Вудфорд, Лондон и грабеж на луксузен стан. Овие случаи на прв поглед не изгледаат поврзани, но всушност се дел од сложена мрежа на меѓународен криминал, која полицијата успеала да ја открие по шестгодишна истрага.
Клучниот момент се случил кога под калта и песокот на брегот на реката Темза бил пронајден iPad mini. Овој таблет се покажал како клучен доказ кој ѝ помогнал на полицијата да го реши случајот. Благодарение на овој уред, три лица се осудени за вмешаност во обид за убиство на еден од најозлогласените британски разбојници.
Еден од најважните моменти во решавањето на случајот се случил во ноември 2024 година, кога мала трага во изјавата ја одвела полицијата на одредена локација на бреговите на реката Темза. Со помош на детектор за метал, под песокот и калта бил пронајден iPad. Благодарение на тим форензичари, полицијата дошла со SIM картичката и податоците кои ги поврзувале iPad, iPhone и неколкумина осомничени, па случајот бил решен.
Полицијата успеала да ја следи и-меил адресата до главниот осомничен и неговиот соработник, а биле истражени вкупно 59 купувања на Amazon и eBay. Меѓу купените предмети имало и нерегистрирани Nokia мобилни телефони, кои биле користени за координирање на заговорот за убиство.
На крајот, тројцата мажи, кои се искусни меѓународни криминалци, биле изведени пред лицето на правдата откако детективите ја следеле нивната фрлена технологија. Обвинети се за заговор за убиство и ќе бидат осудени на 25 април.
Ова не е првиот уред кој одигра улога во решавање на криминал. Уредите AirTag на Apple стануваат херои на бројни приказни, помагајќи да се пронајдат украдени предмети, но ѝ помагаат и на полицијата да ги фати крадците.
