Договорот за испорака на противвоздушниот ракетен систем S-400 „Триумф“ на Индија е заклучен во рубљи, соопшти рускиот вицепремиер Јуриј Борисов.
Русија на своите партнери во воено-техничката област ќе им предаде сметки во својата национална валута, наместо во американски долари.
Со овој потег Русија покажува дека е подготвена да се потпира на својата, а не на американската валута во склопувањето меѓународни договори.
Рускиот претседател Владимир Путин и индискиот премиер Нарендра Моди се договорија за испораката на противвоздушниот ракетен систем S-400 „Триумф“ во октомври, 2016 година.
Купопродажниот договор за пет системи ќе чини 5,43 милијарди долари.
По Кина и Турција, Индија е трета држава во светот која ги купува руските системи „Триумф“.
САД изразија загриженост за плановите на Индија да ги купат S-400 системи, нагласувајќи дека не исклучуваат можност за санкции поради договорот.
Системот S-400 „Триумф“ е мобилен противвоздушен систем, со моќност да уништи мети во воздух на оддалеченост до 400 километри.
