Познатиот басист на американскиот бенд Зи-Зи Топ, Дасти Хил, почина во сон на 72-годишна возраст.
Бендот ја потврди веста дека рок легендата почина во својот дом во Хјустон, Тексас.
„Со тага и жалење ве известуваме дека нашиот Дасти Хил почина во сон во Хјустон“, напишаа Бил Гибонс и Френ Бирд, останатите членови на бендот, пренесе The Sun.
Тие додадоа дека тој многу ќе им недостасува, исто како и на обожавателите. Хил неодамна го повреди колкот поради што отсуствуваше од неколку настани во изминатите недели, но нејасно е дали повредата е поврзана со неговата смрт.
Додека беше повреден, бендот на своите обожаватели им соопшти дека ќе дојде до промена во составот, па Елвуд Франсис го пополнуваше местото на Хил.