Американскиот актер Џејмс Мајкл Тајлер, кој е најпознат по улогата на Гантер во серијата „Friends“, почина на 59-годишна возраст.
Тајлер почина мирно, во својот дом во Лос Анџелес во неделата наутро, се вели во изјавата на неговиот менаџер. Во 2018 година, на Тајлер му беше дијагностициран напреднат рак на простата, кој подоцна му се прошири на коските.
„Сакајќи да им помогне на што повеќе луѓе, тој храбро ја сподели својата приказна и стана борец за да можат оние со простата да направат тест на крвта на 40 години“, рече неговиот менаџер.
Иако немаше исто време на екранот како шесте главни ликови од „Friends“, Гантер беше и остана популарна личност меѓу обожавателите на серијата.
Во мај, Тајлер преку Zoom накратко се појави во специјалната емисија за повторното обединување на „Пријателите“.
„Тоа беа најимпресивните 10 години од мојот живот, искрено. Не можев да замислам подобро искуство. Сите овие дечки беа фантастични и беше само задоволство да се работи со нив. Се чувствував многу, многу посебно“, рече актерот во емисијата.
