Кит Левен, гитарист и еден од основачите на бендовите „Клеш“ и „Паблик имиџ лтд.“, почина на 65-годишна возраст.
Левен, кој боледуваше од рак на црниот дроб, починал во својот дом во Норфолк, Англија, оставајќи зад себе трајно наследство и влијание врз британската рок музика, пишува The Guardian.
Левен ги формираше „Клеш“ со гитаристот Мик Џонс и басистот Пол Сајмонон кога имаше само 18 години, а гитаристот, заедно со менаџерот на бендот Бернард Роудс, го замолија Џо Страмер, фронтмен на „101ers“ во тоа време, да им се придружи во „Клеш“.
Роден е во Мусвел Хил, Северен Лондон во 1957 година. По формирањето на „Клеш“, тој се повлече од бендот. Тој се појави само на неколку од нивните рани настапи и ја напиша песната „What's My Name“ од деби албумот на „Клеш“ од 1977 година.
По несогласувањата околу силната политичка припадност на бендот, Левин ги напушти „Клеш“. Откако британскиот панк бенд „Секс пистолс“ се распадна во доцните 70-ти, Левен и водечкиот пејач на бендот, Џон Лидон, го коосноваа „Паблик имиџ лтд.“