Американскиот комичар и глумец Нед Бити, можеби најпознат по улогите во „Network“, „Deliverance“, „Superman“ и други филмови, почина на 83-годишна возраст.
„Нед почина од природна смрт во неделата наутро, опкружен со неговото семејство и најблиските. Неговото семејство одлучи да не објавува повеќе детали. Нед беше икона, легендарен талент, како и драг пријател. На сите ќе ни недостига“, изјави неговата менаџерка Дебора Милер.
Тој е роден во Луисвил, Кентаки, САД. До 2013 година, кога и се пензионираше, глумел во 165 филма и ТВ-серии. За својата куса, но моќна улога во филмот „Network“ од 1976 година, заработи и номинација за Оскар за споредна улога.
Почина во семејниот дом во Лос Анџелес, Калифорнија. Variety го нарече „еден од најангажираните актери во Холивуд“.
Други филмови во кои се појави се „All the President’s Men“, „The Big Easy“, „Hear My Song“, „The Walker“ и други.
