На 57-годишна возраст почина Татјана Патиц, која беше дел од славната петорка супермодели со Наоми Кембел, Синди Крафорд, Линда Евангелиста и Кристи Тарлингтон.
Веста за смртта ја потврдил нејзиниот агент, но засега нема детали за причината за смртта.
Татјана беше прогласена за една од најубавите жени на светот, а ја доби и титулата за најмистериозна манекенка. Таа одлучи да се повлече од јавноста за да се посвети на семејниот живот, а деновите на својата најголема слава ги презираше.
Сепак, таа се занимаваше со манекенство до 2019 година, кога чекореше на пистата за брендот Etro во Милано.
„Никогаш не си ја продадов душата“, рече таа во интервју во 2020 година.
Татјана е родена во Германија, а пораснала во Шведска. Почнала да се занимава со манекенство кога имала 17 години. Таа беше на насловните страници на повеќе од 200 најпрестижни списанија. Многумина ќе ја паметат од спотот на Џорџ Мајкл за песната „Freedom“.
Манекенката беше во брак и со претприемачот Џејсон Џонсон од 2009 до 2009 година. Таа го има синот Јона, кој го носи нејзиното презиме.
