Во 80-тите и 90-тите години на минатиот век, Серија А се сметаше за најдобрата фудбалска лига во светот.
Италијанските клубови ги имаа најдобрите играчи, најмногу навивачи и фанови и освојуваа најмногу европски трофеи, но кон крајот на 90-тите и почетокот на 200-тите, сѐ почна да се руши.
Во 2010 година Интер ја освои Лигата на шампионите по победата од 2:0 над Баерн (Минхен) и оттогаш ниту еден тим од Апенините не ја освоил ЛЕ или ЛШ.
Италија веќе 21 година не го освоила трофејот од Купот на УЕФА / Лигата на Европа. Ова е рекордно долга серија, а претходниот анти-рекорд беше 12 години. Последниот италијански тим што го освои турнирот беше Парма во сезоната 1998/99.
За Интер ова беше 10-то финале на европските клупски турнири и прво по она во Лигата на шампионите во 2010 година. Сепак, „нероазурите“ заостануваат зад Милан и Јувентус, кои имаат по 14 финални дуели. Вчера Интер прими три гола за прв пат во финален натпревар за европски медал.
Серија А сега се рангира како четврта најдобра лига во Европа зад Ла Лига, Премиер лига и Бундеслига.
Во овој краток документарец, HITC Sevens го анализира подемот и падот, но и потенцијалниот нов подем на Серија А и што доведе до огромниот пад во квалитетот во изминатите 20 години?