Откако колумбиската пејачка Шакира и шпанскиот фудбалер Жерард Пике постигнаа договор за нивната разделба, дуото наводно се согласило да ја продаде својата спектакуларна вила во Барселона во која претходно заедно живееја.
Имено, парот минатата недела постигна договор за старателство, според кој пејачката ќе се пресели во Мајами со двата сина Милан и Саша. Шпанските медиуми сега пишуваат дека парот одлучил да ја продаде куќата во која живееја заедно, а нејзината цена се очекува да биде меѓу 10,5 и 12 милиони фунти.
Вилата на Шакира и Пике од 380 квадратни метри се наоѓа во Есплугес де Љобрегат, приватна област на околу половина час возење од центарот на градот.
Фотографии од вилата се појавија на Twitter профилот на Socialité, давајќи поглед во домот на познатата поранешна двојка. Можете да го видите пространиот дизајн во неутрални бои и модерен мебел, додека се наѕира спектакуларен поглед на градот.
Вилата има и мало фудбалско игралиште изградено од Пике, додека има и свое студио за снимање и теретана.
Поранешниот пар често споделуваше фотографии и видеа од нивниот дом.
Инаку, Пике моментално живее во пентхаус со својата нова девојка Клара Чиа Марти, додека Шакира останува во семејниот дом. Се очекува пејачката да се пресели на почетокот на 2023 година, откако нејзиниот татко ќе закрепне доволно за да патува.
„Потпишавме договор за старателство. Наша единствена цел е да им обезбедиме на нашите деца најголема безбедност и заштита и надеж дека ќе можат да продолжат со својот живот во безбедна и мирна средина“, се вели во заедничката изјава.
Угледниот каталонски весник El Periodico откри дека Пике ќе биде со децата 10 дена во месецот, почнувајќи од следната година, плус празници.
Тоа значи дека пензионираниот фудбалер ќе мора да го подели времето меѓу Шпанија и САД, што веќе наметнува претпоставки дека и Шпанецот ќе бара некое сместување на Флорида, за да има постојана база на тие простори.
