Во видео на TikTok е претставен еден од најмалите станови во светот кој се состои од една правоаголна просторија без бања, а поради големината е окарактеризиран како „плакар со само еден прозорец“.
Ови Лазари е агент за луксузни недвижности кој работи на продажба на некои од најексклузивните и најскапите станови во Њујорк.
Сепак, решил да се одмори од луксузните зданија па му понудил на својот колега Џона Лемел да му го покаже најмалиот достапен стан за кој открил дека е на пазарот за 1.975 долари месечна кирија.
Во видеото, Џона влегува во она што може да се опише како плакар со само еден прозор, мини фрижидер, плакар и мијалник.
Тоалетот и тушот не се дел од станот, туку се наоѓаат во посебна просторија низ ходникот, која е заедничка со другите станари во зградата.
@jonahlemmel I can’t even believe this is real…🥲 guess the location 👇👇
♬ Blue Blood - Heinz Kiessling & Various Artists
Објавувајќи го видеото, Џона рече: „Требаше да му ја видите фацата кога дозна дека бањата е во ходникот“.
Осудувајќи го пазарот на недвижности во градот, еден корисник на гореспоменатата социјална мрежа рече: „Ова мора да е незаконско“.
Во коментарите, други корисници изразија чудење што луѓето се согласуваат да живеат во толку тесни простори само затоа што се во Њујорк.
