Холивудската актерка Џулија Робертс купи петкатна стогодишна вила во викторијански стил во срцето на Сан Франциско, за која одвои 8.3 милиони долари. Њу Јорк пост објави фотографии од внатрешноста на оваа градба.
Вилата има пет спални соби и четири бањи, се наоѓа во мирната населба Пресидио Хајтс. Робертс вилата од 580 квадрати ја купи во 2020 година, откако цената беше намалена за скоро 2 милиони долари. Првичната цена беше 10,25 милиони долари.
Изградена е во 1907 година, има поглед на мостот Голден Гејт од кујната и на заливот Сан Франциско.
Внатрешноста е карактеристична по адаптирана кујна со мермерни плочи, плинска плоча за готвење, две машини за миење садови, простор за појадок. На третиот кат е главната спална соба со бања и балкон.
Куќата вклучува и бонус соба на највисокиот кат, како дополнување на петте ката. Има и гаража за два автомобили, визба и градина.
